- Aruba a ricibi su prome buelo di British Airways diadomingo
- Conocido comediante y artista Eligio Melfor a bay sosega
- Awe nochi ta bo chens di gana 650 mil florin cu Lotto 5
- SETAR ta sponsor di Soul Beach Music Festival 2023
- Ex tesorera di fundacion di partido POR sentencia na 120 ora di trabou comunitario
Kroonprinses Amalia y su mayornan a inicia nan bishita pa e 6 islanan den Reino Hulandes
DEN HAAG - Kroonprinses Amalia a inicia su biahe awe cu su mayornan Rey Willem Alexander y Reina Maxima pa e 6 islanan di Reino Hulandes, cuminsando cu e prome parada cu ta Bonaire. E ta su prome biahe largo como heredero di trono y cu un programa hopi yen pa e proximo 23 siman. E no ta bin celebra carnaval, sino ta profundisa su mes riba e cultura di e islanan, aunke cu carnaval ta parti di e cultura. Asina un experto riba asuntonan di monarchia, Justine Marcella a declara na prensa Hulandes. Ta custumber cu e heredero ta biaha pa e destinacionan unabez cu nan cumpli 18 aña. Su tata a haci mescos acompaña pa su mama Prinses Beatrix. Diferencia ta cu ora cu Beatrix a bin akibanda, e la bin su so. E biahe ta dura te dia 9 di februari, di cual 30 y 31 di januari awor (dialuna) e ta yega Aruba y keda pa dos dia y anochi.
Studiantenan di Caribe awor por haña un 'BSN' prome cu yega Hulanda
DEN HAAG - Conseho di Minister di Hulanda diabierna a aproba cambio di e Decreto registracion basico di persona (Besluit basisregistratie personen) di tal forma cu awor studiantenan di Caribe por haña un BSN mesora despues cu nan entrega un peticion pa finansiamento di estudio via DUO. Esaki ta bira posibel dor di inskribí e studiantenan aki temporalmente komo no-residente den e BRP. Alexandra van Huffelen, secretario di estado di Relashonnan den Reino di Digitalisashon (BZK) a entregá e desishon den konsulta ku e minister di Enseñansa, Kultura i Siensia. Ku esaki e ta ehekutá e ambishonnan di e gabinete pa duna studiantenan di Boneiru, Saba i Sint Eustatius, Aruba, Kòrsou i Sint Maarten un BSN promé ku nan yega Hulanda. Ta entregá e desishon serka Raad van State pa konseho.
TUI na Hulanda: Mercado di Merca ta pone presion riba disponbilidad di camber na Aruba
AMSTERDAM - E forsa di e mercado di Estados Unidos, mester bisa cu ta pone presion riba e disponibilidad di camber na cierto tarifa pa mercadonan Europeo y Latino Americano. No obstante esaki A.T.A., AAA y diferente hotelnan ta sigui pusha y ta realisa e importancia di tin un portfolio di mercadonan diversifica pa Aruba. Esaki a keda estableci durante un reunion cu ATA y AAA (Aeropuerto di Aruba) tabatin recientemente cu TUI na Hulanda.
YOU Anniversary 2023 a celebra 4 hubilario di A.T.A. na Europa
AMSTERDAM - Despues cu na november 2022 A.T.A. a honra hubilarionan di ekipo na Aruba, a toca e turno pa celebra YOU Anniversary 2023 na Europa. YOU Anniversary ta e nomber di e celebracion cu ta haci pa honra empleadonan cu ta cumpli lustronan cu A.T.A. E biaha aki conmemora aniversario di Sharmin de Vries, Caresse Imon- Dabian, Jaap Ellis y Tirso Tromp.
Ministerio Publico na Hulanda ta spera mas detencion den caso di asesinato di Peter R. de Vries
AMSTERDAM – Ministerio Publico Hulandes ta spera detencion di un sospechoso mas den caso di asesinato contra e periodista Peter R. de Vries cu a sosode dos aña pasa. Asina nan a bisa durante un caso di preparacion na Amsterdam. Esey ta pone e cantidad di detenido na 9.
Gabinete Rutte ta prohibi TikTok riba telefon di trabou di ambtenaarnan di Reino
DEN HAAG – Ambtenaarnan di Reino dentro di poco no por tin e aplicacion ‘TikTok’ riba nan telefon di trabou mas. Asina secretario d estado van Huffelen a informa Tweede Kamer den un carta. E prohibicion por sosode per direct. Riba termino cortico, telefonan cu ambtenaarnan ta haya di gobierno, lo ta instala di tal forma cu solamente cierto tipo di aplicacionan por wordo instala riba e teelfon. Esey kier men cu appsnan sensitivo pa spionahe lo no wordo permiti mas. Tin 140 mil ambtenaar di Reino, pero no ta conoci cuanto di nan tin telefon di gobierno.
Hungador di Hulanda van Uunen ta hunga pa Aruba den Nations League
AMSTERDAM – E futbolista Hulandes professional Jeremy van Uunen ta contento cu e por uni cu e seleccion di futbol di Aruba dentro di poco y haci su debut. E atacante di e seleccion di Westlandia ta pasa proximo temporada pa SC Feyenoord y cu 13 goal e tin un fuert temporada. Dia 22 di maart e ta sali pa Aruba pa participa den weganan di Nations League. Aruba ta hunga contra St Kitts & Nevis pa e victoria di e poule.
Follow NoticiaCla
