Van Huffelen: Despues cu firma ‘Onderlinge Regeling’, ta retira concepto COHO numa

DEN HAAG – Ta te despues cu tur e minister presidentenan di Aruba, Corsou y St Maarten firma e acuerdo nobo cu tin cu reemplaza esun di COHO, e ora ta retira e concepto di COHO oficialmente. Asina e secretario di estado Hulandes Alexandra van Huffelen a bisa Tweede Kamer den su carta riba e relato di St Maarten recientemente. “Ta premira cu por firma e ‘onderlinge regeling’ pa comienso di maart (2023:red)” van Huffelen a sigui  bisa.

TRAHA RIBA DJE

E acuerdo den liña grandi riba cual a yega na un acuerdo, lo wordo traduci pa e ekiponan  riba cual a yega un acuerdo reientemente. “Ora cu esaki ta cla, e areglo aki lo contene entre otro palabracionan riba e tareanan di e actornan envolvi den e ehecucion di e reforma, e sosten di Hylanda, e forma di raporta riba e progreso y e duracion di e acuerdo” e mandatario a sigui bisa. Ta trata di reforma segun ancra den e landspaketten. E paisnan a compromete nan mes pa medio di e aregl, pa un cantidad di aña ehecuta e reformanan. Hulanda di su banda ta compromete na duna sosten cu hende y medio. “Esey kier men cu nos ta continua e acuerdo riba e forma cu nos a haci e ultimo dos añanan. Central ta keda cu e paisnan ta doño di nan propio reforma y cu nan lo implementa e reformanan riba e tempo palabra”. E asina yama Tijdelijke Werkorganisatie (TWO) bou di e minister di e mandatario lo keda existi y lo sigui monitor y sostene e desaroyo for di Hulanda via e organisacion aki. Pues de facto, e COHO no ta cambia mucho y ta keda practicamente mescos pa loke ta e contenido. Ta solamente cu e paisnan awor tin cu percura pa nan mes ehecuta esaki, pero, bou di bista di Hulanda. Y si e islanan no cumpli, Hulanda por cay aden. Lesa e carta AKI.