Princesa Beatrix ta habri expo na Corsou

DEN HAAG – Prinses Beatrix lo efectua apertura di e exposicion ‘Guera na Korsou’ otro luna, na Corsou. Esaki a keda confirma awe pa Cas Real su website oficial. E princesa lo ta na Corsou dia 2 di mei proximo pa e evento aki, pero no ta conoci si e ta bin Aruba tambe despues. Un dia prome, su yiu homber Rey Willem Alexander lo ta na Aruba pa e evento grandi di Sail Aruba. Un dia prome e Rey lo ta na Bonaire pa bishita Dia di Rincon.

EXPOSICION

E exposicion na Corsou, ta trata e periodo di guera entre 1940-45 y e tarea di e isla durante e temporada ey. Y e lo tuma lugar den e museo di Corsou na Willemstad. Tur esaki ta den cuadro di e di 70 aniversario di e final di e di dos guera mundial. E expo ta expone varios obheto y imagen di Corsou di durante di dos guera mundial. E ta un iniciativa di algun mayor di studiantenan di International School di Corsou. Durante e evento, Princes Beatrix lo papia cu algun di e studiantenan di e scol. Pa mas info di e expo y bishita di Princesa Beatrix, lesa aki.