- Parlamentario Ryçond Santos Do Nascimento ta invitado den Noticiacla LIVE awe nochi
- Otmar Oduber: Testigo principal pa defensa den caso Flamingo no por declara dilanti Huez Comisario
- Gobierno y CAFT ta den proceso pa reemplaza actual miembro pa Aruba ora su termino vence
- Oduber: Maneho nobo pa haya permiso pa hotel; Ta permiti solamente Boutique hotels!
- AZV: Contracto cu dentista Mayra Rosales ta termina
Van Huffelen: Reconoce matrimonio mesun sexo ta asunto di cada pais di Reino
DEN HAAG – Secretario di estado Hulandes Alexandra van Huffelen ta di acuerdo cu ta di interes grandi pa tur ciudadano di Reino Hulandes pa tin e posibilidad pa casa cu un pareha di mesun sexo. Asina e mandatario ta contesta un miembro di Tweede Kamer di partido VVD esta Kamminga. Mes momento sinembargo, e ta realisa si cu ‘lamentablemente’ esaki ta keda na cada pais dentro di Reino Hulandes pa maneho di esaki, segun derecho fundamental di hende.
DI ACUERDO
“Claro cu mi ta di acuerdo cu esey” van Huffelen a contesta textualmente den e carta riba e pregunta di matrimonio di mesun sexo. “Tambe mi ta pensa cu ta importante pa tene cuidao pa tur parti di Reino realisa e derecho humano fundamental” e mandatario a sigui splica. “ E desventaha sinembargo, ta cu e realisacion aki den principio ta depende di e propio paisnan autonomo”. Loke si ta desprende di e hurisprudencia di Tribunal Europeo di Derecho Humano, ta cu e paisnan tin e obligacion positivo di no habri e matrimonio di mesun sexo. E obligacion positivo aki ta nifica cu un alternativa manera forma di registreerd partnerschap (union registra), mester wordo ancra den ley. Un asunto asina contractual, manera cu Corte Europeo ta referi na dje, aworaki no ta ekivalente na un sistema legal, e mandatario ta sigui bisa. Por lesa e contesta completo di e secretaria van Huffelen AKI.
Gobierno Hulandes a anuncia pasonan conkreto despues di disculpa pasado di sclabitud
DEN HAAG - Un areglo di supsidio pa inisiativa sosial ku ta fásilmente aksesibel. Kambio di nòmber grátis pa desendiente di katibu bibá na Hulanda Oropeo i Hulanda Karibense. Mas atenshon na prevenshon di diskriminashon i rasismo. Invershon den herensia kultural. I amplia konosementu di e manera ku pasado di sklabitut tin afekto te ku awor. Esaki ta algun di e pasonan konkreto ku gabinete hulandes a tuma despues di e diskulpa di Gobièrnu pa e pasado di sklabitut. E manera ku ta yena e asina yamá ‘espasio tras di e kòma’ ta un proseso kouteloso ku embolbimentu aktivo di desendientenan. Esaki ta pará den e karta di progreso tokante e programa di pasado di sklabitut ku gabinete hulandes a manda awe pa e parlamento.
Na Hulanda, expertonan a pidi pa mas medida contra brote di sarampi
AMSTERDAM – E instancia similar na DVG na Aruba, pero na Hulanda esta RIVM a instala un Outbreak Management Team (OMT) nobo, manera tempo di Covid, pero e biaha aki pa sarampi (mazelen). OMT ta bisa si cu e situacion no ta agudo, pero si ta conseha e minister di saloud pa tuma medidanan extra. Te awor tin 64 caso di sarampi registra cerca RIVM. E la cuminsa cu un kluster na trahadornan migrante na Limburg. Pero awor ta mustra cu mayoria di casonan di sarampi ta den region di Eindhoven.
Grupo di accion kier blokea un ader principal di Amsterdam riba Dia di Rey
AMSTERDAM – Un grupo di accion ‘Extinction Rebellion (XR)’ kier causa ‘problema’ diasabra dia di Rey na Amsterdam Hulanda, door di blokea un ader principal di e ciudad gandi aki, esta e A10, un biaha mas. E grupo di protesta aki kier pidi Rey Willem-Alexander pa papia contra e financiamento di e industria fosil. E intencion ta pa blokea a caminda for di 12’or di merdia na e ringweg na altura di e ex oficina principal di ING. E grupo kier pa e instituto aki stop di financia e industria di fosil. Si e Rey papia contra e intento di financiamento aki, e grupo lo stop nan accion.
Directora di Arubahuis a atende “Kennismissie” di OC&W na Aruba y Curaçao
DEN HAAG – Directora di Arubahuis a mr. Joselin Croes a participa na e “Kennismissie” di Minister di OC&W Robbert Dijkgraaf na Curaçao y Aruba. Na Aruba e punto central tabata con educacion ta conecta cu e mercado laboral: e situacion actual, pero principalmente con e demanda di enseñansa ta cuadra cu e necesidad di e mercado laboral.
Pareha Real Spaño a inicia bishita na Hulanda, cu participacion di prinses Amalia
AMSTERDAM – Rey di Spaña Felipe y Reina Letizia a cuminsa na nan bishita oficial di dos dia na Hulanda. E bishita a cuminsa riba plaza Dam unda cu tabatin tiro di saludo riba e tereno di marina. No a usa municion sino mas bien blanco. E diferencia di e bishita aki ta cu e biaha aki prinses Amalia tambe ta inclui den e bishita. Awe nochi e ta forma parti di e cena Real na honor di e pareha Real Spaño. Amalia tin un relacion special cu Spaña ya cu e la pasa un aña eynan recien debi na motibonan di seguridad pa su bida. Mientrastanto e la bolbe Hulanda pa biba y sigui studia. Pero e situacion di seguridad y menasa contra dje, no a kita ainda.
Decenas di buelo anula na Schiphol debi na fuerte rafaga di biento
SCHIPHOL – Decenas di buelo a keda anula dialuna na aeropuerto Schiphol di Hulanda debi na mal tempo. Ta primordialmente buelonan dentro di Europa mes. Buelonan pa Caribe Hulandes manera Aruba no a keda afecta. Ta trata di 90 buelo cu a keda anula, di cual mayoria ta di KLM. Ta spera rafaga di biento fuerte cu posibel mal tempo, segun un vocero di e aeropuerto.
Follow NoticiaCla
