- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Mark Di Martino ta e Director nobo di Group Sales na Hilton Aruba
PALM BEACH – The Hilton Aruba Caribbean Resort & Casino e siman aki a anuncia cu Mark Di Martino a wordo apunta pa bira e Director di Group Sales. Mark, awor na cabes di e group sales, ta trahando riba isla di Aruba pa varios decada caba, unda despues a join team di sales na Hilton den 2017.
E negoshi di group tabata bayendo hopi bon segun e compania, y el’a disfruta di relacionnan laboral cu su coleganan na Aruba Convention Bureau y otro coleganan na otro resortnan, manera tambe su experiencia y capacidad den un in-house team.
Despues na yegada di e pandemia, Aruba a cera su portanan, y Mark no a para keto durante e temponan aki mustrando su compromiso na e isla y su hendenan hunto cu su determinacion pa su estimado resort a sigui push’e pa no stop. El a bishita diferente compania di viahe y empresarionan clave, den comunicacion tambe cu e industria y compartiendo updates tocante e isla. Danki na su viahenan extensivo, e resort a rapidamente experiencia un recuperacion despues di bolbe habri su portanan atrobe, y Mark ta gusta conta e storia di con mester pensa ‘out of the box’, reflehando Aruba su creatividad y resistencia.
Mark a traha duro pa bay logra yega na e top di e industria, e ta hopi conoci cu tur loke ta e hendenan clave den e mercado, e mercado su mes y semper ta comparti su amor pa Aruba prome prome cu promote su resort.
Cu su oficina principal na Merca, Mark ta bishita nos isla frecuentemente pa recarga su baterianan. E ta bon arma cu conocemento grandi den loke ta nos producto di vacacion, e ta bini Aruba y sali bek refresca cu e meta pa identifica y sigura mas oportunidadnan lucrativo pa nos isla.
Travel& Leisure: Aruba ta top lista di 10 resortnan all-inclusive den Caribe
ORANJESTAD – Danki na un di e hotelnan all-inclusive na Aruba, nos isla ta na prome lugar di e top 10 di miho All-inclusive resorts pa famia den Caribe. Por lo menos segun e portal Travel & Leisure. Ta trata di e resort Tamarijn Aruba. Segun e articulo en cuestion, loke ta haci e diferencia den e destinacionan Caribense, ‘ta e abundancia di resortnan increibel all-inclusive’. E ta un forma perfecto pa famia por disfruta. Y ta describi tur e loke e turista por goza di dje. Mester bisa cu e resultado di e top 10 ta basa riba experiencia personal di e escritor di e portal turistico.
KVK: Mayoria compania ta pensa cu e scarsedad di trahado lo empeora
ORANJESTAD – Mayoria compania ta pensa cu e scarsedad di trahado na Aruba lo empeora. Asina Camara di Comercio ta raporta diaranson.
Mas turista Colombiano ta biahando pa Corsou envez di Aruba den 2024
BOGOTA – Mas turista Colombiano a bay Corsou envez di Aruba. Asina presidente ehecutivo di Asociación Colombiana de Agencias de Viajes y Turismo, (ANATO), Paula Cortés Calle ta raporta segun un raportahe di e portal Colombiano El Nuevo Siglo ta raporta. Mientras cu paisnan manera Merca, Spaña, Panama y Republica Dominicano ta conta pa 69% di e Colombianonan cu ta biaha pa exterior, e pais cu mas crecemento ta Corsou cu 157% di participacion, compara cu Aruba cu tin ‘apenas’ 63%. Hasta Hulanda tin mas trafico di Colombia, na 81%. Pero ta sigui Aruba cu 47% y Panama cu 44%. Segun ANATO, e prome trimester di 2024, 1.345.687 Colombiano a biaha pa exterior, cu ta un aumento di 13%, compara cu e mesun periodo aña pasa. “E resultadonan positivo aki ta refleha e recuperacion di turismo saliente, cu ta beneficia e industria relaciona, den e area, hotel y restaurant, entre otro” Cortés Calle a finalisa bisando.
Pa aña 2024 y 2025, ATIA lo enfoca mas riba e tema laboral
ORANJESTAD - Diabierna 19 di april 2024, Aruba Trade and Industry Association (ATIA) a tene su reuniun general di miembrecia den e sala di conferencia di ATIA.
Aruba Bank ta presenta un serie di entrevista cu su Mortgage Advisors – “Caweta di Hipoteca”
A.T.A: Turismo ‘stayover’ pa Aruba a crece cu mas di 25% den maart 2024
ORANJESTAD - Den e prome kwartaal di 2024, a conta cu cifranan prometedor pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA, a bisa den un comunicado. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’. E meta ta pa sigui mantene esfuerzonan den linea segun e balans menciona, y logra aumenta e entrada proporcionalmente mas cu e volumen cu nos destinacion ta ricibi. Capacidad di carga tambe ta sigui ricibi atencion di parti di A.T.A. di diferente manera.
Follow NoticiaCla
