Aruba a perde dos pianista di caliber, tras di otro den weekend

ORANJESTAD – Drentand fin di siman, Aruba a perde dos pianista grandi tras di otro. Ta trata di e conocido Albert Croes (61), cu diahuebs ultimo a bay sosega, y su siguiente dia, Eddy Samson(72) a sigui su tras y bay sosega. Pa varios musico, esaki tabata un shock mirando cu December ainda, por lo menos un di nan, tabata toca durante temporada di pasco cu nan. Den e caso aki ta trata di Edddy Samson. Ambos tin un trayectoria impresionante y a laga nan marca atras. Albert tabata conoci pa duna les, y toca pa hopi evento, mientras cu Eddy tabata un pianista refina riba e tereno di jazz y tabata toca hopi na hotel, sea su so of den grupo di musico amigo. Noticiacla ta manda palabra di forza pa famianan di tanto Albert cu Eddy. Cu nan alma sosega na paz.