Tjon: Ainda Aruba no ta forma parti di programa pa bula cu cedula entre islanan

ORANJESTAD – A prolonga e programa piloto pa biaha entre e islanan di Caribe Hulandes usando solamente cedulai. Esey a keda dicidi durante e ultimo reunion hudicial di cooperacion entre islanan Aruba, Corsou, St Maarten y Hulanda. Aruba sinembargo ainda no ta forma parti di e programa aki y no tabata parti di e progama aki ainda ora cu a inicia esaki, ya cu Aruba kier a wak prome con esaki lo a desaroya.  Fuera di e tema aki, e ministernan di husticia di e respectivo paisnan a papia di otro temanan importante manera combatimento di droga, y migracion entre e islanan. E reunion mes a tuma lugar e siman akin a Aruba ente ministernan  Ye?ilgöz-Zegerius,  Tjon, Hato y Richardson, respectivo di Hulanda, Aruba, Corsou y St Maarten.  Un otro tema cu a trata ta e problema di capacidad cu e paisnan tin den cierto organisacionan hudicial. Como tal a palabra cu Hulanda lo yuda cu inversion pa yuda combati criminalidad riba e tereno aki, y atende cu e desbalansa entre e organisacionan. Lo trata esaki riba nivel di ambtenaar durante e siguiente periodo. 

POSICION DI ARUBA RIBA BIAHAMENTO CU CEDULA

“Nos ta evalua pa forma parti di dje na e sigui te JVO. Esta juni benidero. E prome evaluacion a wordo haci, y nos a indica cu nos kier wak resultado di esaki, y ta wordo indica cu no tabatin niun   tin ningun incidente pa loke ta fraude” e minister a bisa Noticiacla diabierna mainta. “ Pues aworaki nos ta bay consulta bek den nos justitieel veiligheidsberaad, riba e pasonan cu mester wordo tuma pa nos por forma parti di esaki” e mandatario a finalisa bisando.