ORANJESTAD - Iglesianan Cristian di Aruba a inicia cu un accion di firma contra ley di matrimonio di mesun sexo. E iglesianan ta recorda cu net prome cu dianan di fiesta na december 2022 Aruba a keda sorprendi cu un veredicto den corte di apelacion relaciona cu matrimonio di mesun sexo. Despues di esaki a cuminsa un avalancha di reaccionnan emocional riba e topico aki. Pa Iglesianan Cristian di Aruba e tema aki ta encera aspectonan huridico, apsectonan di sano huicio y aspectonan moral. E aspecto huridico ta cu corte no por impone Parlamento pa traha ley. E echo cu Corte Europeo a dicta cu matrimonio pa personanan di mesun sexo no ta un derecho humano a kita tur argumento di igualdad of descriminacion for di mesa.
Pa loke ta trata sano huicio, comportacion humano mester por contribui na mantene humanidad na existencia y mehora calidad di bida. Matrimonio di mesun sexo no ta cumpli cu e rekesitonan aki.
Pa loke ta trata aspectonan moral, si legalisa matrimonio di mesun sexo esaki ta un reconocimento di homosexualidad como comportacion normal. Si esaki ta normal anto ta deber di enseñansa pa siña mucha cu esaki ta normal. E pregunta moral ta cu si pueblo di Aruba kier pa nan yiu di edad di scol preparatorio y scol basico wordo siña tocante actonan homosexual. Esey ta na unda legalisacion di matrimonio a hiba na Canada, Belgica y otro partinan di mundo. Nan kier paproteha nos muchanan door di yena e accion di firma pa hiba e sentencia "Cassatie." Mas informacion riba facebook page di Iglesianan Cristian Aruba.
ORANJESTAD - Desde 2019 131 a incorpora un Conseho Hubenil den nan organisacion. E Conseho Hubenil di 131 su tarea ta pa primeramente duna conseho solicita y no solicita na e organisacion. Tambe nan ta duna conseho ariba proyectonan di 131, prome cu nan ser implementa. E Conseho Hubenil di 131 ta duna e organisacion un bista cu precision di kiko ta pasando bao di mucha y hoben y pakiko.
ORANJESTAD - Den cuadro di transparencia y informacion nos di Horacio Oduber Hospital ta comparti cu boso e cifranan pa loke ta luna di februari 2024. Como Hospital ta importante y alabes interesante pa duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto baby a nace durante luna, cuanto pashent a regresa cas despues di admision y mas.
ORANJESTAD – Faltando 4 luna pa e eleccion presidencial di Venezuela, un grupo di Venezolano residencia na Aruba a expresa su preocupacion y frustracion ‘pa e ausencia di material electoral den Consulado (di Venezuela) na Oranjestad. Asina e portal di Venezuela LaPatilla.com ta raporta. Segun e portal, un grupo di Venezolano a presenta nan disgusto na e sede di Consulado. Mes momento nan a informa nan mes di e rekisitonan nobo cu ciudadanonan Venezolano residencia na Aruba mester cumpli cu ne pa por eherce nan derecho di voto: Carda di Censo, y cedula di identidad di Aruba, y pasaporte y cedula Venezolano vigente.
ORANJESTAD - Aruba Tourism Authority (A.T.A.) a firma acuerdo di un aña cu Fundacion Parke Nacional Aruba (FPNA). Cu e acuerdo strategico aki, A.T.A. ta reafirma su compromiso pa sigui traha di cerca cu FPNA como un sosten mutuo pa cu esfuersonan continuo den proteccion y preservacion di nos naturalesa..