Banco Central: Banconan no por cobra cliente riba margen di ganashi

ORANJESTAD – Banconan comercial no mester wordo compensa pa e perdida di entrada relaciona cu e ‘Ordenansa Compensacion riba Margen di Cambio di Divisa’. Asina Banco Central a bisa dialuna pa medio di un comunicado. Banco Central ta mustra asina cu nan a tuma nota di e discusion cu tin aworaki, reaccionando riba e articulo di NoticiaCla.com cu ta referi na asociacion di banconan di Aruba cu a mustra cu nan ta ‘cobra clientenan’ pa e ‘perdida’ cu nan sufri a consecuencia di e gasto extra aki. Banco Central como tal a haya ta bon pa clarifica e asunto ayera. Sigur awor cu e asosacion di banconan a reacciona bisando cu nan lo ‘cobra e cliente pa e perdida aki’.

ORDENANZA

Segun Banco Central di Aruba, e intencion di e ordenanza en cuestion, ta pa crea un entrada nobo pa BCA cual awor ta estima na 7.8 miyon florin anualmente. “Actualmente e entrada principal di BCA ta consisti di entradanan relaciona cu e inversion di e reserva di divisa”. Segun Banco Central, e entradanan aki ta ‘experienciando un caida den e ultimo añanan despues di e crisis financiero global cu a resulta den un tasa di interes consistentemente abou mundialmente’. Segun Banco Central, nan tin cu percura cu den e reserva di divisa di pais Aruba mester tin suficiente liquides continuamente pa suministra e cuater banconan comercial y gobierno di Aruba, e rendimento riba e inversion di divisa ta relativamente abou.

Por lesa e relato completo aki.