ATA ta sostene eliminacion di visa pa colombianonan bin Aruba

ORANJESTAD – Oficina di turismo di Aruba a defini cu nan ta ‘pro’ pa elimina e visa pa colombianonan bin Aruba. Esaki a keda confirma na NoticiaCla.com ayera pa e propio CEO di ATA, Ronella Tjin-Asjoe y e minister di turismo Otmar Oduber. Den e ‘paper’ (e splicacion por escrito) cu nan a entrega na gobierno, ATA a mustra e bentaha cu tin si kita e visa y tambe a inclui e risico sinembargo. “Ta un decision cu tin cu tuma lugar pa esnan concerni” Tjin Ajsoe a sigui bisa.

DECISION NO TUMA

E titular di turismo mientrastanto a subraya e comentario di ATA, cu ta pro pa elimina e visa. Mes momento ta sigura si cu esaki no ta nifica cu gobierno a dicidi ainda. “Gobierno ainda no a dicidi si ta kita esaki of no” Oduber a bisa, sigurando si cu pa diabierna awor e topico aki lo mester ta riba agenda unda cu e decision por ta.

ESTUDIO PROFUNDO

Segun Oduber, ta sinti cu e estudio cu ATA a haci (basta profundo) pa analisa e situacion y desaroyo di Colombia su significacion tan ayega na nos, ta bon y ta mustra cu e ta sigur positivo pa elimina e visa. No solamente riba turismo, sino tambe e efecto interno di hende cu ta gana cierto cantidad di placa, economia colombiano y unda cu por mira kico e consecuencianan menos positivo ta pa Aruba si dicidi cu ta elimina e visa pa Colombia.

DECISION DIABIERNA AWOR

Gobierno no a dicidi ainda, y na e momento ey no tabatin suficiente dato pa tuma un conclusion y a ‘hou aan’ e decision. Awor e ta riba agenda cu suficiente informacion pa hiba e decision un biaha mas den e cuadro aki. For di e bista di turismo, ta mira cu e ta algo positivo si e tuma lugar (elimina e visa). Esnan cu ta competi cu Aruba riba e mercado.