Sheqayli Ascencion “Shiki” corona como Reina Hubenil di Grupo Champagne

ORANJESTAD –  Sheqayli Ascencion “Shiki” a keda corona como Reina Hubenil di Grupo Champagne. Sheqayli no ta un persona desconoci mirando cu na 2014 ela keda corona como Reina Infantil di Aruba su carnaval 60. Ela bisa di e tempo ey cu e lo kier ta back riba stage pa asina competi tambe pa Reina Hubenil di Carnaval. Su plannan a wordo alarga dor di e pandemia pero asina mes a keda cu su focus pa bai pa Reina Hubenil. Durante di e atardi aki ela bai schrijf in pa eleccion y a sali cu un parada chikito, rumbo pa Patio 15 unda cu ela yega acompa?a pa brassband y invitadonan. Mirando e fecha di 3 rey a escohe 3 personahe cu ta di importancia pe pa corone, un hoben cu practicamente a lanta huntu cu Shiki y cu a logra su metanan y demostra cu no ta paso bo tin retonan fisico no por yega metanan, esey ta Disjonrick Jacobs hunto cu e talentoso hoben Paul Adisson Croes y su Opa Rodney Westerburger cu a haci a?a e dia ey. Champagne ta celebrando 25 a?a den Carnaval y ta un honor pa representa nan den un eleccion di Reina hubenil di Carnaval. Linchie Merryweather a pone e sjerp oficial y despues a corone. Un danki sigur na Patio15 pa net den entrada di caya principal di nos capital a permiti team Shiki organisa e evento aki. Danki na tur esnan cu a presenta y Shiki ta invita tur hende cu kier apoye pa yega dia 21 di January den Renaissance convention Center.