Wardacosta y KPA a intercepta boto cu droga y Venezolano indocumenta a bordo

Wardacosta y KPA a intercepta boto cu droga y Venezolano indocumenta a bordo

Posted on 01/9/2023 2:21 pm AST | Updated on 01/9/2023 2:23 pm AST

ORANJESTAD - Ayera den oranan di anochi Kustwacht y Cuerpo Policial Aruba a detecta un boto drentando awanan territorial di Aruba. Den cuadro di bon cooperacion y bon coordinacion KPA y Kustwacht a logra intercepta un boto cu tawata bin for di direccion di Venezuela cu intencion pa drenta Aruba. Pa a para e boto personal di Wardacosta mester a los tironan di advertencia. Abordo tawata tin 6 hende homber di nacionalidad Venezolano. E boto tabata transporta un cantidad substancial di droga.

E capitan y e tripulantenan a wordo deteni y entrega na e recherchenan di Unit Georganiseerde Criminaliteit cu lo sigui cu e investigacion.

  • Powered by SETAR