Pisas: Reunion na Corsou pa cu habrimento di frontera cu Venezuela no a sigui awe

Pisas: Reunion na Corsou pa cu habrimento di frontera cu Venezuela no a sigui awe

Posted on 01/9/2023 10:29 am AST | Updated on 01/9/2023 10:30 am AST

WILLEMSTAD - E reunion ku tin di tuma lugá awe djaluna 9 di yanüari pa ku habrimentu di frontera ku Venezuela no ta sigui. Esaki promé minister ta anunsiá. Den un diskurso nashonal na kambio di aña, promé minister Gilmar Pisas  a bisa ku Gabinete Pisas II su vishon ta pa hasi Kòrsou e Pèrla den Karibe. Pa esaki tin hopi trabou tras di lomba i tambe trabounan ku tin ku keda ehekutá pa por logra nos ophetivonan.  Gobièrnu ke keda informá pueblo pasobra ta huntu tin di sigui traha ku tur e amor, energia, kurashi, perseveransia i determinashon nesesario, pa por logra resultadonan positivo pa nos komunidat.

Di parti di Gobièrnu di Kòrsou a sera aña 2022 ku un relato pa informá komunidat, den un forma transparente, reflehando kiko tur loke e Gobièrnu aktual a kumpli kuné. Esaki ta duna un bista kiko a logra i unda tin ku buta èkstra énfasis

Ayera sinembargo promé minister ta informá ku Kòrsou tabatin un proposishon pa tene un reunion ku Venezuela pa ku habrimentu di frontera  awe djaluna dia 9 di yanüari 2023.

Pa motibunan fuera di nan alkanse, esaki lo no por tuma lugá mas awe 9 yanüari. E proposishon pa e fecha nobo lo ta den e siman di 30 yanüari 2023.

E tópiko aki ta importante pa Kòrsou, pues lo sigui hasi tur intento pa e reunion aki sigui mas pronto posibel.

Na kuminsamentu di desèmber Minister-presidente Gilmar ‘Pik’ Pisas a risibí Embahador di Reino na Caracas sr. Robert Schuddeboom i durante di e bishita aki a elaborá tokante e proseso ku ta andando pa ku habrimentu di frontera entre Venezuela i Kòrsou, Visa, situashon ekonómiko aktual di Venezuela, e situashon di migrantenan for di Venezuela, kual tur por ta e oportunidatnan ku tin presente pa por hasi negoshi ku Venezuela den futuro i algun tópiko mas di karakter sensibel.

E dia ei promé minister Pisas a gradisí Schuddeboom pa tur informashon ku el a risibí i tambe pa tur esfuerso ku el a bin ta hasi pa e proseso rondó di habrimentu di frontera entre Venezuela i Kòrsou.

Mas fin di desèmber promé minister ta duna e bon notisia ku frontera lo habri den e promé siman di yanüari. Esaki sinembargo lo no tuma lugá mas teniendo na kuenta kombersashonnan ku tin di tuma lugá promé i ku awor a keda posponé pa fin di yanüari.

Siman pasá sinembargo, despues di vários aña ku frontera tabata será, e promé barku turista MS Amadea ku ta nabegá bou di bandera di Bahamas i ku 600 pasahero abordo lo sali for di Isla Margarita dia 3 di yanüari i yega Boneiru dia 4 di yanüari 2023 pa despues e sigui pa Aruba. Esaki a hasi a trese mas serka e realidat pa frontera ku Venezuela habri. Awor nos ta spera 30 di yanüari ora e reunion tuma lugá. NOTA: E texto ta scirbi den Papiamento fonetico di Corsou. 

  • Famia Real a cena cu 21 persona di Corsou cu a contribui na desaroyo di e pais

    Famia Real a cena cu 21 persona di Corsou cu a contribui na desaroyo di e pais

    WILLEMSTAD - Famia Real a clausura nan dia di diahuebs cu un cena cu 21 invitado na e Katedral di Sumpiña na Landhuis Bloemhof. E cantidad di invitado tabata simbolisa e 21 aña casa di e pareha. A invita 21 yiu di Corsou cu di un forma of otro ta contribui na e desaroyo di Corsou. Entre nan, tabatin e conocida empresario Jachmine Pinedo. Potret cortesia Gobierno di Corsou. 

  • Continuacion di cobertura di bishita Famia Real na Corsow

    Continuacion di cobertura di bishita Famia Real na Corsow

    WILLEMSTAD – Diahuebs merdia e bishita di e Famia Real a continua den e areanan di Punta y Scharloo. Durante e caminata den Punda, Rey Willem Alexander a bati un moneda pa marca e 25 aniversario di Willemstad como un ciudad patrimonio di humanidad pa UNESCO.Tambe a bishita e famoso arte Chichi. E caminata a termina riba Prinses Amaliabrug unda cu a toca un wals componi pa e prinses ‘Sunste for Princess Amalia’. Potretnan cortesia RVD. 

  • Famia Real a recori cayanan di Willemstad riba nan di prome dia oficial na Corsou

    Famia Real a recori cayanan di Willemstad riba nan di prome dia oficial na Corsou

    WILLEMSTAD – Durante na prome dia oficial di bishita na Corsou e biaha aki, e Famia real a bishita e cuidad Willemstad y cana den diferente parti. Entre nan a cana den Otrabanda, papia cu habitantenan, pintornan, y a observa varios presentacion musical. Despues a sigui un almuerzo den Palacio di gobierno unda cu a cera conoci cu e autoridadnan di Corsou. Potretnan cortesia di RVD. 

  • Pareha Real a recorda nan di 21 aniversario di boda na Corsou

    Pareha Real a recorda nan di 21 aniversario di boda na Corsou

    WILLEMSTAD – E pareha Real diahuebs a recorda cu 21 aña pasa nan a drenta enlace matrimonial. Y como cu a toca nan e fecha na Corsou, e isla a ofrece e pareha un candal special. E pareha a colga e candal na e arte riba e brug di ponton, riba e Punda Love Heart. Esaki asina a bira parti di e bishita di e Famia Real na Corsou. E isla ta e di tres di 6 cu e famia ta bishitando. Potretnan cortesia RVD. 

  • Rey Willem Alexander a duna inicio na Weganan di Rey na Corsou

    Rey Willem Alexander a duna inicio na Weganan di Rey na Corsou

    WILLEMSTAD – Diahuebs mainta e bishita di Famia Real a continua na Corsou. Riba Plaza Brion (Brionplein) e Rey a duna e señal di comienso pa e Weganan di Rey. Muchanan di scolnan basico a participa na weganan deportivo riba e Plein. E famia Real a observa tur e weganan aki. E weganan a keda introducvi na 2013 ora cu Willem Alexander a asumi e trono. Potret cortesia RVD. 

  • Famia Real a yega Corsou riba barco di guera Hulandes

    Famia Real a yega Corsou riba barco di guera Hulandes

    WILLEMSTAD – E Famia Real a yega Corsou diaranson atardi laat cu un retraso chikito na waf di Annabaai. Nan a yega cu e barco di guera Hulandes Zr.Ms. Holland y a keda ricibi pa Gobernador Lucillie George-Wout y miembronan di Gobierno di Corsou. Por a nota un multitude di hende cu tabata riba pia pa ricibi e famia cu bandera y cantamento. E famia a inicia nan bishita oficial awe diahuebs mainta riba Brion Plein cu Weganan di Reino door di muchanan di scol. E bishita ta termina diabierna anochi. Potretnan ta di RVD y Gobierno di Corsou. 

  • Powered by SETAR