Na Corsou, publico a comporta bon durante Fuikdag 2023

WILLEMSTAD - Ayera tabata dia pa e tradishonal Fuikdag. For di trempan un kantidat di boto a sali ku personanan abordo den direkshon di Fuik. Ya for di algun dia anterior, Wardakosta i tambe polis a kuminsá alertá tur doño di boto i bishitantenan riba e medidanan di seguridat i tur loke master tene kuenta kuné. Nèt algun minüt promé ku 9 or di anochi, EXTRA a kombersá ku bosero di Wardakosta sra. Shalick Clements i el a konfirmá ku Fuikdag 2023 a kuminsá i terminá ku éksito. No tabatin ningun insidente ku mester a atendé kuné. Tur hende a sa di komportá i tene nan mes na e reglanan ku outoridatnan a avisá for di trempan. Ora di bai tambe, doñonan di boto a bai ku koutela i asina evitá kualke insidente manera tabata den kaso di añanan anterior manera por ehèmpel botonan ku a dal den baranka.

Tabatin algun kos chikí ku esnan konserní mester a atendé kuné manera por ehèmpel motor di boto ku a daña, bateria ku a baha. Pero aparte di eseinan no tabatin ningun insidente i tampoko ningun desòrdu. NOTA:Texto ta scirbi den Papiamento fonetico di Corsou.