Morto doño uitzendbureau Tempo hayando hopi atencion di prensa hulandes

AMSTERDAM – E noticia di morto den fin di siman na Hulanda di conocido comerciante Gitta de Wit (doño di e.o. e uitzendbureau ‘Tempo’ na Aruba), a hala hopi atencion den prensa hulandes. Den fin di siman de Wit a fayece den su soño a consecuencia di un paro cardiaco na su cas na Belgica. E hecho cu e tabata sali cu e conocido personalidad hulandes Emile Rattelband, a pone cu esaki a haya hopi atencion. Practicamente den tur medio hulandes e morto aki a keda raporta, aunke ora cu ta referi na de Wit, ta referi na Antillas enves di Aruba.

REDNAN SOCIAL

Ora cu e noticia a plama diadomingo, via medionan social na Aruba su amigonan (e tabata hopi conoci y tabatin un circulo grandi di amigo aki) mesora a inunda rednan social cu noticia di shock y tristesa. De Wit tabatin hopi amigo debi na e hecho cu e tabata maneha e uitzendbureau Tempo, cu ta porta esun mas conoci na Aruba. Na Hulanda mientrastanto awor a cuminsa specula (Telegraaf) riba e causa di morto, siendo cu esaki a keda informa caba cu ta trata di un paro cardiaco