Centenares a despidi di famia di Corsou cu a perde nan bida den accidente di trafico na Hulanda

SPIJKENISSE – Centenares di persona a despidi di e famia di Corsou cu siman pasa a fayece den un accidente di trafico na Hulanda. Den e accidente na Rotterdam, un tata(35), mama (36) y yiu (7) a perde nan bida ora cu un otro auto a alcansa nan frontal  riba di dos dia di Pasco. A conta por lo menos 600 persona na e entiero, considera como hopi cu a pone cu no tur hende por a drenta e aula. Centenares di persona mester a sigui e proceso pafo riba screen of na cas via un link televisa.  

MUSICA

Durante entierro, a toca musica di Bob Marley y hip hop, di cual hopi tabata na Papiamento. Entre esnan cu a hiba palabra, tabata e director di scol di e mucha, cu a bisa cu ‘tin un stoel bashi’ den klas na scol. E proceso a wordo sigui tambe pa famianan na Corsou, via television. E noticia a dal comunidad di Corsou hopi duro na Hulanda y mesora a lanta un proceso pa colecta placa pa por a paga pa e entierro e siman aki.