Chaos na Mexico despues di captura di yiu di El Chapo Guzman

MEXICO CITY – Captura di yiu homber di e capo di droga Mexicano, Chapo Guzman, esta Ovidio Guzman a crea un ola di violencia den e parti Noord west di Mexico. Prensa Mexicano ta sigura cu tabata den anochi di diaranson cu a captura e yiu den e ciudad di Culiacan na Sinaloa. Ta papia di tiroteo y secuestros cu ta tumando lugar. E alcalde Jan de Dios Gamez a confirma cu forzanan federal a tuma over na e ciudad y cu esaki a causa violencia na e parti ey di e pais. A pidi ciudadanonan di Culiacan pa no sali di cas debi na e blokeo cu tin den diferente parti di e ciudad. Aeropuerto local a keda sera y a suspende scol. 

ARESTO CABA

Tabata na 2019 cu a detene caba pero a lague bay debi na menasa di violencia door di su simpatisantenan. Segun autoridad Mericano, Ovidio y su ruman Joaquin ta maneha por lo menos  11 laboratorio di methamphetamine na Sinala produciendo 3 pa 5000 kilo di e droga pa luna. Tambe ta sospecha nan di a asesina un cantante Mexicano popular pasobra e no kier a canta na su boda. Merca tabatin un recompensa di 5 miyon dollar pa informacion pa su captura. E tata, ta sintando un castigo di bida largo den prison na Merca despues cu a haye culpable di traficacion di drag y labamento di placa na 2019.