Iberostar Group a bira doño nobo di Tierra del Sol

PALM BEACH – Tierra del Sol a haya doño nobo y awor ta propiedad di e compania Iberostar Group, conoci pa ta maneha propiedadnan den turismo. Awe tur habitante den e compleho, a haya notificacion oficial di e cambio di doño, y cu den e proximo simanan nan lo haya mas informacion. Iberostar lo maneha tanto   Tierra del Sol Real Estate N.V. y Tierra del Sol Golf Course N.V.  E compania tin mas di 100 propiedad internacional di 4 y 5 strea ubica den destinacionan turistico na Europa, Africa y Merca. 

DOÑO NOBO

No ta prome biaha cu Tierra del Sol ta cambia di doño ya cu den pasado for di momento cu e la wordo traha, e la pasa den man di varios doño, algun bon, algun menos bon, pero na final, e propiedad a keda existi te cu awor ainda y ta mustra cu e ta moviendo.