Wever ta topa van Huffelen otro siman na St Maarten riba deficit democratico

ORANJESTAD – Prome minister di Aruba Evelyn Wever ta biaha pa St Maarten proximamente pa topa cu coleganan prome minister di islanan Corsou y St Maarten y secretario di estado van Huffelen pa trata e deficit democratico entre e islanan y Hulanda. Noticiacla tabata e prome pa raporta e noticia ora cu esaki a bira conoci for di Hulanda, como parti di e agenda di e mandatario hulandes. E tema meciona ta un di e temanan pero posiblemente esun halto riba agenda, banda di COHO. 

DEFICIT

Manera raporta caba, e deficit democratico ta un tema cu cada bes e islanan ta confronta Hulanda cu ne, unda cu ta mustra cu mientras cu e paisnan mester ta igual, e situacion politico no ta duna pa esey y esey ta perhudica e islanan den mas cu un forma. Tabata durante di carta recien di minister Wopke Hoekstra na Parlamento Hulandes, cu e la informa e miembronan di e intencion aki di van Huffelen, mientras cu e mes tabata splica cu Hulanda lo yuda e islanan en cuestion cu e asunto di tratadonan cu ta trata Reino Hulandes. E reunion entre Van Huffelen y e prome ministernan lo tuma lugar entre 12 y 13 di januari 2023.