Xander Bogaerts a despidi di Boston y Boston Red Sox via instagram

BOSTON – Manera ta conoci awor, e pelotero professional di Aruba Xander Bogaerts a firma cu San Diego Padres pa e proximo temporada di baseball professional mericano. E siman aki e la oficialmente despidi cu un mensahe, unda cu e la permanece pa 15 aña di su carera professional. E mensahe a keda postula riba su cuenta di Instagram. 

E MENSAHE  

E mensahe traduci ta bisa lo siguiente: Querido Red Sox Nation, danki pa un corida increible (Y que corida!). E tabata un honor pa bisti e uniform di Red Sox y hunga dilanti e fanaticonan mas miho informa den baseball. Tabatin momentonan bon y malo, pero dos trofeo di Serie Mundial durante mi tempo pa celebra cu bo tabata absolutamente increibel. Danki na Red Sox pa a tuma un chens cu un mucha hoben di e isla di Aruba. Danki na e coachnan, e entrenadornan Atletico, manager y esnan dilanti di oficina cu mi a topa durante e crusada di 14 aña. ada un di boso a impacta mi bida den mas forma cu un y cu a yuda mi desaroya den e hungador cu mi ta awe. Y finalmente, na cada un hungado cu a subi tereno cumi den un uniforma di Red Sox, mi ta bisa danki. Danki pa ta coleganan increibel y amigo. Asina hopi di boso a siña mi loke ta nifica pa ta un professional riba tereno y   for di tereno. Danki Boston, te dia nos topa atrobe!. Esey tabata e mensahe cu e la post dialuna merdia y cu te cu diamars mainta a haya mas di 3800 comentario. Mestr menciona cu tin mas di 300 mil persona ta sigui Bogaerts riba su cuenta di Instagram.