RCA bek na promer lugar despues di goleada den Derby di Kapital

SOLITO -Diasabra anochi e oncena tricolor a subi veld decidido contra nan rival di Oranjestad Riverplate. Apesar cu River ta score na promer minuut di wega mediante un tiro di distancia, tog ta RCA ta yega 3-1 dilanti na halftime. Segundo tempo e Barco di Solito a continua mes un rumbo y cu cuatro gol mas ta sea e victoria na 7-1. Steven Melchior un ves mas cu dos gol, Erik Santos cu algun toke di kita sombre, tambe ta piki su gol. Lastman Cristian Sinistero ta score di un corner y e trio hubenil Lang Trenidad, Brian Dorothal y Jeanpierre van den Linden cada uno ta score un gol. Asina aki soldatnan di Solito ta bek na promer lugar cu 39 punto. Den 16 wega RCA a anota 59 gol cu apenas 14 gol contra. Proximo wega ta diadomingo 19 di april den CDGT vs Britannia. Directiva y e famia completo ta jama bon bini na Clayon Maduro y Chito vd Biezen ambos hungador cu ta bek na cas despues di un paseo den exterior.