Cantidad di droga intercepta pa Marina den Region Caribe Hulandes ta keda aumenta

ORANJESTAD  - Marina Real Hulandes e aña aki a logra intercepta un cantidadrecord di droga den Region Caribe Hulandes. Esaki a sosode en coooperashon cu partnernan internacional. Zr.Ms. Holland ultimo simannan cu a transcuri  a encontra4 transporte, pa un cantidad di mas of menos 3.000 kilo di cocaina. Cu esey e total den 2022 ta yega casi 35.000 kilo na contrabanda cu a intercepta.

Durante último kapturanan kada biaha di nobo e avion patruyero di Wardakosta Region Karibe a deskubrí un ‘go-fast’. Riba esaki un helikòpter di Wardakosta Merikano ademas di e botonan rápido FRISC a keda desplegá. Esakinan a logra di stòp e transportenan di droga.

E sospechosonan a keda arestá na e sitio mes. Nan a keda entrega na outoridatnan Merikano pa persekushon na Estádos Unídos. E kantidatnan di droga entretantu ya a keda destruí.

Barku Patruyero

Zr.Ms. Holland desde Òktober 2022 ta e barku patruyero den Region Karibe Hulandes. E barku patruyero aki ta traha hopi djaserka durante operashonnan anti droga ku Wardakosta Merikano i Wardakosta Region Karibe Hulandes.

Zr.Ms. Holland den mas o ménos 2 luna ya a logra interseptá kasi 10.000 kilo di droga.  Zr.Ms. Friesland a sòru ku kasi 4.000 kilo no a logra subi merkado i Zr.Ms. Groningen a sòru pa kapturanan di mas ku 21.000 kilo total. NOTA: E texto ta scirbi den Papiamento fonetico di Corsou.