ANP: Premier Wever agradeci cu Hulanda pa disculpa relaciona cu sclavitud

ORANJESTAD – Prome minister di Aruba Evelyn Wever-Croes a keda ‘satisfecho’ despues di e conferencia di prensa di premier Mark Rutte di Hulanda riba e tema di disculpa pa e periodo di sclavitud. Asina e oficina di prensa ANP a bisa. Sra Wever Croes como prome reaccion despues di e conferencia, a considera e disculpa como un buelta den historia dentro di Reino”, ANP a sigui bisa. 

Ademas e prome mandatario di Aruba a bisa di ta ‘agradeci’ cu Hulanda pa e prome paso, pero mescos cu Rutte, cu e pasado no mester wordo cera cu esaki. Despues e la ripiti su palabranan, “Awe no por ta un punto (final), sino un coma”.