RD:Abogado general di Hulanda a conseha Hoge Raad pa mantene sentencia di ex minister Paul Croes

DEN HAAG – E sentencia di ex minister di Aruba Paul Croes di 2021 di 3 aña di castigo di prison pa soborno por keda vigente. Esaki ta e conseho cu e Abogado General di Hulanda a conseha Hoge Raad diamars segun e portal hulandes Reformatorisch Dagblad. Na 2021 Corte Superior a sentencia Croes na 3 aña di prison pa soborno pa haya permiso di trabou. E tabata minister entre 2013 y 2017. Croes a acudi na Casacion na Hoge Raad. Den su argumento, abogado di Croes ta argumenta e.o. cu e proceso di encarcelamento y e caso mes no a cana corecto. Ademas, e abogado tabatin duda riba e declaracion comproba di malversacion di placa.  

CONSEHO

Sinembargo den e conseho, e Abogado General, cu motivacion substancia, ta bisa cu e kehonan no tin base. E ta un conseho independiente na Hoge Raad cu, ta liber pa no sigui e conseho aki, cu ta bisa cu e sentencia mester keda vigente. Si Hoge Raad sigui e conseho di AG, y dicta esaki como sentencia final, Croes mester raporta e ora pa sinta su castigo di prison ya cu casacion ta e ultimo recurso legal. Dia 7 di februari 2023, Hoge Raad ta dicta e sentencia final den e caso aki.