Triple di Bogaerts ta yuda Boston gana Phillies

PHILADELPHIA – E pelotero profesional arubano Xander Bogaerts su triple pa right field diahuebs anochi, a empuha suficiente careda (3) y ta yuda su ekipo Boston Red Sox gana e wega contra Philadelphia Phillies cu e score di 6 pa 2. Tur e 6 caredanan tabata den e di tres inning grandi.

E BATASO

Tabata den cabes di e di tres inning, cu Bogaerts a bati un fly ball pa right field, cu a causa un problema pa e hungador Jeff Francoeur. E fayo ey di e hungador a causa cu no menos cu tres hungador a anota, esta Sandoval, Victorino y Hanigan. Bogaerts mes ta anota despues ora cu Masterson ta dal un liña pa centerfield. E otro careda tabata mas prome ora cu Ramirez tambe a anota. Esaki ta Bogaerts su prome triple di e temporada, cu a inicia apenas diadomingo ultimo. Cu tres wega hunga y 1 perdi, Boston ta na di dos lugar di e standings den division americano oost, despues di Orioles di Baltimore.