Awe nochi parlamentario Benny Sevinger ta invitado di NoticiaCla LIVE

ORANJESTAD – Awe nochi ex minister y actual parlamentario pa partido AVP, Benny Sevinger ta invitado di e programa Noticiacla LIVE cu ta cuminsa pa 9’or pm. Durante e programa aki cu lo ta en bibo, e parlamentario lo contesta preguntanan riba e ultimo desaroyo cu ta envolve su supuesto envolvimento den e caso penal Avestruz y su situacion legal cu e ta aden. Manera ta conoci, e caso ta uno andando y ta continua otro siman dialuna den corte, den e tanda final. Mester bisa cu sr Sevinger a opta pa participa den e programa y e intencion ta pa e ta presente en vivo pa asina por contesta pregunta di e moderador y periodista Tito Lacle y unda cu pueblo tambe por manda pregunta via facebook y posiblemente haya contesta. E programa ta pasa riba Facebook di Noticiacla, e website www.noticiacla.com (check e boton LIVE) y e app tambe (busca e boton LIVE). No lubida, pa 9’or awe nochi!