AHATA kier claridad riba promesanan haci relaciona cu aumento di tarifa di utilidad

ORANJESTAD – E gremio Aruba Hotel & Travel & Tourism (AHATA) kier claridad di gobierno riba e situacion di tarifa nobo halto di utilidad. Asina su CEO Tisa LaSorte ta bisa den un carta dirigi na tur esnan responsabel incluyendo dos minister y directornan di e companianan di utilidad. Nan ta referi na e promesanan haci pa gobierno na augustus 2022 ora cu a anuncia aumento substantivo di e tarifa di utilidad. Segun LaSorte, den e carta e ta recorda esnan responsabel riba e promesanan aki. 

E PROMESANAN

Segun LaSorte, AHATA a wordo informa cu e aumentonan anuncia lo tabata pa solamente 6 luna, y cu na januari 2023 mester a reduci e tarifanan atrobe. Ademas cu lo a presenta un structura nobo pa 2023 cu lo a inclui eliminacion den termino di tarifanan social.  

PESO FINANCIERO PISA

Segun LaSorte ta sigui den su carta, ‘considerando e peso pisa financiero cu e tarifanan nobo a pone riba consumidornan local y negoshi, AHATA kier pidi bo pa claridad riba e plan y e timing pa e companianan di utilidad reduci e tarifa di awa y coriente’. E gremio ta pidi pa un contesta y tambe un reunion pa papia esaki ‘en persona’. Por lesa e carta AKI.