Caso di estafa miyonario na Astec den Corte awe

ORANJESTAD – E caso cu a hala atencion di un dama cu a comete estafa miyonario na Astec ta dilanti hues awe. Ta trata di e dama Linda. B , acusa di falsificacion di chequenan na balor di mas di 1 miyon florin. Ademas e tabata den noticia recientemente tambe relaciona cu un keho riba su trato di cel na Kia. Esaki debi cu e condicionnan segun B, lo no tabata corecto pe.

CARGONAN OFICIAL

E cargonan oficial contra B segun ministerio publico, ta cu B. ta wordo acusa di falsificacion di chequenan, conhuntamente cu un otro of otronan, den e periodo di prome di october 2009 te 28 di october 2014.Ademas, e ta wordo acusa di, conhuntamente cu un otro of otronan, den e periodo di prome di october 2009 te 28 di october 2014, a estafa mas cu 1.000.000 florin di un fondo di pensioen.

CONDICION DI BIDA

Pa loke ta e caso di su condicion di bida den KIA, esaki a keda trata na februari ultimo, ora cu te hasta e huez a bishita KIA pa personalmente tuma nota di e condicionnan. Na tal ocasion e huez a wordo informa cu tabatin tramite pa traslada e damanan pa un seccion diferente. Como tal e huez no a mira motibo pa laga Linda B. den libertad temporal te ora su caso mester a bin dilanti awe.