Democrat na Bonaire ta confirma intento pa forma cu UPB

KRALENDIJK – Partido Demokratico Boneriano diahuebs ultimo (9 april)  oficialmente a busca acercamento cu partido Union Patriotico Boneriano, pa un posibel formacion di gobierno nobo pa e isla di flamingo. Asina e ta confirma e noticia recien di NoticiaCla.com cu a mustra cu cosnan no tabata canando bon den e negosacionan entre PDB y Movimento di Pueblo Boneriano, y cu lo tin un acuerdo inicial den tapara. Y den un carta oficial , -cu NoticiaCla.com a logra obtene-, e partido cora a haci su acercamento.

CARTA

Den e carta (lesa e carta aki), e lider di e partido Robby Beukenboom ta mustra cu ‘bou di instruccion di Directiva i Conseho di Partido Demokrat, nos comision ta obliga di informa MPB cu por inmediato comision lo entama un proceso pa acerca otro posibel partnernan riba un intento pa yega na un gobernacion duradero pa nos dushi Isla’. Mes momento nan ta laga caminda habri si, si cos ‘drecha internamente den e partido blauw’. “Si na cualke momento MPB logra yega na un consenso den su propio seno riba e topico di Structura Estatal i por presenta un posicion riba e tema aki na nos Partido, nos ta dispuesto di tuma esaki na consideracion i seguidamente continua cu e proceso di combersacion”.

COMPORTACION

Segun e partido cora, e comportacion den e partido blauw pa cu e combersacionnan, no tabata corecto y mas bien, no tabata duna resultado. Un di e problemanan cardinal ta cu e partidonan no por a haya otro riba tereno di structura estatal, y esey ta un motibo suficiente pa e partido cora ‘hala atras’ y busca un otro ‘socio’ pa forma un gobierno nobo.