A honra empleadonan di ATA pa dedicacion y amor pa turismo

ORANJESTAD - Ayera nochi a honra empleadonan di ATA pa dedicacion y amor pa turismo di Aruba. “Exito ta resultado di perfeccion, di trabao duro. E ta e realisacion cu mester mantene soñonan bibo dor di mantene un vision cu determinacion y dedicacion pa esunnan cu a sobresali pa añanan na Aruba Tourism Authority. E nifica stima bo pida baranca Aruba y ta e stimacion aki cu ta haci posibel pa keda leal pa asina tanto aña na e mesun trabao”, asina Ronella Tjin Asjoe-Croes, C.E.O di Aruba Tourism Authority cu masha hopi emocion a relata.

Entre e empleadonan cu a celebra tanto aña di dedicacion y lealtad pa Aruba Tourism Authority ta inclui Glennie Tromp, kende a cumpli no menos cu 35 aña di servicio, di caracter ingenioso, responsabel den ehecucion di su trabao y creacionnan pro activo.

Tambe tin un grupo cu a cumpli 30 aña trahando pa Aruba Tourism Authority, manera Miriam Dabian, Directora di ATA Colombia, un persona dedica, ambicioso y determina. Theodoor de Jongh, responsabel, team player y sumamente leal. Renny Lacle, independiente, creativo y leal.

Esunnan cu a cumpli 25 aña di servicio leal na turismo di Aruba ta Theresita Chai, amistoso, cortes y leal. Jerusha Rasmijn, apasiona, carismatico y intuitivo. E grupo cu ta cumpli 20 aña di servicio na ATA ta Jasmine Maduro, creativo, carismatico y independiente. Ricardo Croes, carismatico, creativo y leal. Amayra Boekhoudt, persona cu bo por conta cune, aventurero y creativo. Ortencia Buckley, energetico, alegre y leal.

Esunnan cu tin 15 aña caba haciendo e mesun trabou aki di promove turismo di nos isla ta Maureen Gomes-Werleman, organisa, accesibel y ingenioso. Mirto Erasmus, responsabel, honesto y amabel. E grupo cu tin 12.5 aña di servicio ta inlui Sjeidy Feliciano, pro-activo, dedica y perfeccionista. Daisybelle Habibe, ingenioso, carismatico y alegre.