Invitadonan politico, diplomatico y comercial a atende recepcion di introduccion di minister Thijsen na Hulanda

Invitadonan politico, diplomatico y comercial a atende recepcion di introduccion di minister Thijsen na Hulanda

Posted on 12/1/2022 2:25 pm AST | Updated on 12/1/2022 2:26 pm AST

DEN HAAG  – Na Marriott hotel a tuma lugar un recepcion di Gobierno di Aruba pa oficialmente introduci mr. Juan (Ady) Thijsen como Minister Plenipotenciario di Aruba na Hulanda. Un recepcion atendi pa invitadonan for di e mundo poltitico, diplomatico y comerciante di Hulanda.  

E parti oficial a cuminsa cu un discurso di Prome Minister mr. Evelyn Wever-Croes como introduccion di sr. Ady Thijsen como Minister Plenopotenciario. Prome Minister Wever-Croes a bisa di ta contento cu sr. Ady Thijsen a acepta e encargo di Minister Plenipotenciario y alabez Representante di Aruba na Union Europeo y cu e ta convenci cu Sr. Ady Thijsen lo ta un digno representante di Aruba cu lo traha na fortifica e lasonan den Reino, cu Hulanda y cu e comunidad Arubiano na Hulanda.

Despues di un video di introduccion a yega e momento pa sr. Ady Thijsen mes tene su discurso na e invitadonan.  

Potretnan ta di Arubahuis/ Nico van der Ven.

 

  • Misterio resolvi: Ex minister Hulandes Kuipers ta bira professor na Universidad na Singapore

    Misterio resolvi: Ex minister Hulandes Kuipers ta bira professor na Universidad na Singapore
  • Presidente Mericano Biden tambe ta sostene Rutte pa lidera NATO

    Presidente Mericano Biden tambe ta sostene Rutte pa lidera NATO

    WASHINGTON – Presidente Mericano Joe Biden ta sostene candidature di premier demisionario di Hulanda Mark Rutte pa bira e proximo secretario general di NATO. Asina un funcionario halto Mericano a declara na e agencia di prensa internacional Reuters. Inglaterra tambe ta sostene Rutte. Na Mei ta premira cu NATO lo dicidi ken ta bira e proximo secretario general cu ta asumi su funcion nobo entrante 1 di oktober proximo. 

  • Na Hulanda morto a cay ora cu parti di un brug den construccion a cay den otro

    Na Hulanda morto a cay ora cu parti di un brug den construccion a cay den otro

    LOCHEM - Na Hulanda morto a cay ora cu un brug den construccion a cay den otro. Ta trata di un brug den construccion riba e canal Twente na Lochem. Dos persona a fayece y dos a keda herida. Un di e boognan di e brug a los di e grua, y bin abou. E boog a cay riba dos persona matando nan. No ta conoci kico a bay robez. Awe tabata asina leu cu lo mester a ubica e boognan riba nan lugar. Cu esaki lo mester a completa e trabou di e brug nobo aki. Ta mustra cu di e kabel di e grua a kibra cu consecuencia cu e boog a bin abou. 

  • Informador nobo Putters ta delibera riba un gabinete ‘extra parlamentario’ Hulandes

    Informador nobo Putters ta delibera riba un gabinete ‘extra parlamentario’ Hulandes

    DEN HAAG – E informador Hulandes nobo Kim Putters, lo mira ki forma di gabinete Hulandes por forma aworaki. E la keda nombra ayera door di Tweede Kamer. E ta e presidente di e SER Hulandes. Segun Putters, e panorama politico ta uno fastioso y e ta planea pa reuni cu tur e lidernan di fraccion. E ta spera cu tur partido aparece. E kier scucha tambe di partidonan cu no lo participa na e coalicion pasobra e kier sa con nan ta pensa riba e diferente formanan di coalicion. Durante e debate ayera den Tweede Kamer, a papia riba un tipo di gabinete extra parlamentario, of un gabinete minoritario tolera. Pero varios lider politico a informa cu nan no sa exactamente kico kier men cu esey. Putters ta bin di e banda di partido PvdA, y tabata sorprendi cu e nombracion di dje. Aunke di e partido PvdA, e la sigura cu e ultimo 13 aña e tabata den funcionan solamente cu tabata riba politica, pues completamente independiente. E informador lo mester entrega mas tarda 11 di maart un relato. Si e por haci esaki mas liher, e lo hacie tambe, e la bisa. 

  • Plasterk: Tin suficiente acuerdo pa un gabinete PVV, VVD, NSC y BBB

    Plasterk: Tin suficiente acuerdo pa un gabinete PVV, VVD, NSC y BBB

    DEN HAAG – Tin sufuciente acuerdo entre partidonan Hulandes  PVV, VVD, NSC yBBB pa forma un gabinete entre nan. Asina informador Plasterk a bisa na presidente di Tweede Kamer Bosma dialuna mainta. E no por bisa si, si esaki ta bira un gabinete mayoritario of minoritario. Mirando cu e partido NSC a bula afo di e combersacionan, Plasterk no por bisa si e gabinete ta bira uno derechista pero no ta exclui cu esaki por logra si. Ta recomenda pa e 4 partidonan aki sigui papia, bou di un informador nobo. 

  • Van Huffelen na Tweede Kamer: Combersacionan riba RAFt ta bayendo dificil

       Van Huffelen na Tweede Kamer: Combersacionan riba RAFt ta bayendo dificil

    ORANJESTAD – Combersacionan cu Aruba riba e tema di RAFT ta bayendo hopi dificil (heel stroef, ta e palabra cu e secretario di estado Hulandes Alexandra van Huffelen a usa na Hulandes:red). Asina e mandatario a bisa den e debate cu a tuma lugar diahuebs atardi ora di Hulanda. E debate tabata cu e miembronan nobo di Tweede Kamer cu a keda eligi na November aña pasa. E mandatario a recorda e miembronan nobo cu e ta siguiendo e mocion di e miembronan anterior cu a exigi condicionan pa cu Aruba pa cu e pago di debe di Covid. Algo cu segun e mandatario, gobierno Hulandes a sostene. 

  • Powered by SETAR