Mexico ta elimina di mundial Qatar aunke a gana, y Polonia ta sigui aunke nan a perde

DOHA – No obstante e hecho cu Mexico a gana di Saudi Arabia cu score di 2-1, e ta keda elimina debi cu Polonia tin un balansa mas halto di goal na su fabor. Polonia pues ta sigui, aunke cu nan a perde 2-0 contra Argentina, cu tambe ta sigui pa e siguiente buelta. Pa largo rato e situacion di grupo C tabata un ‘problema’ ya cu Polonia y Mexico virtualmente tabata cabez cabez, den tur sentido, esta punto, saldo di goal y mas. Esey lo a nifica cu e parti di fair play lo mester a determina ken ta pasa. Y esey tabata kier men cu esun cu tin menos carchi geel y cora, lo a pasa. Pero e goal di Saudi Arabia a cambia e asunto.