Na Turkia, cacho ta tira propio doño mata cu arma di caseria

ANKARA – Un tata di famia a perde su bida den un accidente tragico na Turkia ora cu e la wordo tira mata pa su propio cacho di caseria. E homber kier a hinca e cacho den e bahul di e auto despues di caseria, ora cu cos a bay robez. Ora cu e cacho a bula den e bahul, su pata a mishi accidentalmente cu e  ‘gai’ di e arma di caseria , cu ainda tabatin bala aden. Esey a pone cu e arma a tira y alcansa e homber mortalmente den su stoma. E homber di 32 aña apenas a bira tata un siman prome y a bay riba caseria cu su amigonan.