Rutte: Disculpa pa sclavitud ta un tema mucho controversial pa Rey Willem Alexander haci

DEN HAAG – E disculpa pa cu e tempo di sclavitud, no ta un tema cu Rey Willem Alexander mester atende. Asina premier hulandes Mark Rutte a bisa den un reaccion contra protesta di e.o. Surnam riba e tema. Segun esnan cu ta protestando ey, e unico persona cu mester bin pidi disculpa, ta e propio Rey. Otro hende no ta un un opcion. Manera ta conoci, otro luna riba 19 di December, varios mandatario y parlamentario den forma simultaneo, lo ofrece un disculpa pa e historia hulandes cu sclavitud. Segun Rutte, e monarchia ta un simbolo di unidad y bo no kier hink’e den un debate politico. E no mester forma parti di e disculpa aki, segun Rutte.  Ora cu e disculpa tuma lugar, Rutte lo haci esaki na Hulanda, minister Franc Weerwind lo haci esaki na Surnam y secretario van Huffelen lo haci esaki na Corsou. Segun Surnam, Weerwind mes tin desendente di sclavitud pues e mes no ta apto pa ofrece e disculpa. Miembronan di gabinete lo biaha pa Aruba, Bonaire, Statia, Saba y St Maarten pa haci mescos.