Gobierno no sa ainda kico e aumento di salario minimo lo ta pa 2023

ORANJESTAD – Mientras cu e siman aki atrobe gobierno (e biaha aki prome minister Evelyn Wever Croes a haci e anuncio) a a anuncia cu salario minimo ta subi entrante 1 di januari 2023, gobierno no ta cla pa bisa cuanto esaki lo ta. Un pregunta di noticiacla diahuebs na e minister encarga Glenbert Croes, riba e suma, a resulta den un contesta igual: “Decisión lo cai den December!”. Na September caba ora cu e mandatario mes a anuncia e aumento, aki e mandatario a bisa Noticiacla cu              “Salario lo aumenta pero nos ta wardando e ultimo consehonan cu nos como Gobierno mester tene cuenta cu ne”, e mandatario a bisa e tempo ey. Pues ta haci un anuncio mitar, sin anuncia e suma acerca. Lo tin cu warda otro luna pa wak cuanto e ta bira. 

MAS AUMENTO

Fuera di e aumento di salario minimo, lo tin tambe aumento di pensioen di biehes, y reparative toeslag. Pero atrobe, no ta anuncia e aumentonan ey tampoco cuanto esaki lo ta. Tambe ta anuncia cu lo reduci impuesto di pensionado door di haci calculacionan separa. “ Mester menciona, cu Gobierno lo baha impuesto riba tur salario y entrada di tur hende” tambe e prome mandatario a sigura e siman aki.