Parlamento dividi riba intervencion Raad van State riba conflicto presupuesto

ORANJESTAD — Cu Tweede Kamer kier pidi Raad van State conseho ainda si e KB pa gobernador di Aruba aña pasa tabata legal, tin e opinion di parlamentarionan na Aruba dividi. Asina Arien Rasmijn di Caribisch Netwerk ta raporta. Partido na mando den parlamento AVP, ta contento cu e preguntanan cu ta bayendo Raad, mientras cu partidonan di oposicion MEP y PDR ta sinti cu e gobierno no a siña mucho desde e crisis y e welga di hamber di prome minister.

AVP

"Nos ta contento cu porfin e blokada a wordo lanta y cu e institutonan di Reino por funciona normal atrobe” Herde a bisa. For di momento cu gobernador di Aruba a nenga di firma e presupuesto di 2014, e fraccion y partido berde a boga pa interpretacion di Raad van State riba e decision ey.

LEGALIDAD

Durante e welga di hamber di premier Mike Eman, e fraccion di partidonan hulandes D66 y CDA a cuestiona e legalidad di e KB. Fraccionan di gobierno VVD y PvdA a sostene e plan e tempo ey pa no envolve Raad van State. Sinembargo e comision fiho di Relacionan di Reino a haci un intento y diamars ultimo a dicidi cu a base di un cantidad di pregunta, pidi Raad van State pa conseho den e asunto.

KAMER

E kamer kier sa kico e base huridico tabata pa e KB, con por evita cu por crea un conflicto den e tarea di gobernador pa cu e pais, y si e islanan caribense tin chens pa apela un tipo di decision asina. “Nos tambe a propone otro tipo di pregunta, pero esunnan aki ta ok” Herde a bisa. Cu ta apenas un aña despues cu e caso a sosode, no ta nifica cu e ta laat. “E ta keda actual. Nos tin cu siña di nos fout” Herde ta bisa.

OPOSICION

Andin Bikker, lider di partido PDR en general ta contento cu Raad van State ta atende cu e asunto. Pero su pensamento ta keda igual, esta cu gobierno di Aruba no por obsesiona riba procedura, pero cu e KB tabata un señal di emergencia cu no tabatin un situacion financiero sano di gobierno y cu e redoblacion di debe den 4 aña ta inaceptabel.

DEBABTE

Pa fraccion di MEP, ta algo cu nan a warda hopi ariba. “Nan kier a sigui debati riba e legalidad di e actuacion di gobierno, enves di e motivacion pa e intervencion”, segun lider di e fraccion Evelyn Wever Croes. Tur hende mientrastanto, ta convenci cu algo mester sosode pa pone nos isla bek riba e rumbo financiero. Aruba ta contento cu gobernador a haci esaki” Wever ta sigui bisa. E ta lamenta si cu premier Mike Eman no a siña hopi di esaki, pasobra nos ta para dilanti e mesun scenario: e fiasco di e presupuesto 2015”.

Traduci for di Caribisch Netwerk, autor original Arien Rasmijn.