Chicago Cubs, Phillies y Cardinals ta interesa den Xander Bogaerts

CHICAGO – E portal deportivo mericano The Athletic ta sigura cu un di e ekiponan professional di baseball mericano interesa den e arubiano Xander Bogaerts, ta Chicago Cubs. Bogaerts hunto cu varios otro hungador a bira ‘liber’ pa negosha nan proximo contracto miyonario cu cualkier ekipo cu e miho oferta. Un otro ekipo cu a mustra interes oficialmente ta Philadelphia Phillies y St Louis Cardinal. Tin rumor cu New York Yankees tambe a papia inoficialmente cu e pelotero su representante. Boston a haci un oferta di un aña di 20 miyon dollar pero cu Bogaerts a rechasa mesora. Ta premira cu e ta buscando un contracto multimiyonario di riba 200 miyon dollar. Ta un grupo selecta di ekipo so tin e capacidad di ofrece e pelotero di Aruba e suma aki.