Xander Bogaerts a rechasa oferta di Boston Red Sox pa un aña

BOSTON – Tanto e pelotero professional Xander Bogaerts como Nathan Eovaldi a rechasa e oferta di un aña di Boston Red Sox d 19.65 miyon pa hunga cu e ekipo durante 2023. Ambos ta agente liber y por firma cu cualkier ekipo. Pero cualkier ekipo cu firma nan, ta sacrifica nan ‘draft picks’, esta e evento unda cu ekiponan por selecta hungadornan potencial nobo. Esun cu haya e prome chens, ta bebe awa limpi semper. Mes momento si cualkier un di nan firma cu un otro ekipo cu no ta Boston, Boston ta haya un chens pa scohe un prospecto nobo te den di 4 buelta. Hopi biaha mayoria di esnan cu wordo scohi den di 4 ronda, no ta yega liga grandi. Bogaerts no a acepta, y ta premira di firma pa un deal di por lo menos 200 miyon. Esun cu ta mas cerca di firm’e, awor ta Philadelphia Phillies aunke tin chens pa Los Angeles tambe firma.