Mas pashent trata den Semana Santa e aña aki

ORANJESTAD - E weekend cu a pasa di Pasco Grandi compara cu añanan atras a bay relativamente trankil. E registracion di pashent a tuma luga desde diahuebs 6or di atardi te cu diamars 6or di mainta. Loke si por menciona ta cu a wak 12 pashent mas cu aña pasa y e promedio pa cada 24ora ta 96 pashent. E edad cu a atende pashentnan ta varia entre 16 y 54 aña di edad.Di e total pashentnan cu Departamento di Emergencia a atende 68 a wordo admiti den Hospital. Di e 410 pashentnan cu Departamento di Emergencia a mira 4 tabata pa maltrato, 4 pashent cu a accident di auto, 3 pashent cu intoxicacion y 2 pashent cu a sufri un caida.Loke si ta remarcabel ta cu menos pashent a meld e aña aki cu maltrato compara cu e añanan anterior. Y relata na campamento a mira un total di 13 pashent di cual 7 ta masculino y 6 ta femenino. ‘Huisartsenpost’ (HAP) a mira durante e fin di siman largo un total di 285 pashent cual ta mas cu aña pasa. Esaki ta un promedio di 32 pashent pa cada warda. Departamento di Emergencia di Dr. Horacio E. Oduber Hospital ta conclui cu Semana Santa a bay aunke a mira mas pashent compara cu aña pasa, toch relativamente trankil. Un pabien na e team di Departamento di Emergencia cu a traha duro y a pone e pashent na prome luga un biaha mas durante e fin di siman largo tras di lomba.