Seleccion hulandes di futbol a biaha pa Qatar pa Copa Mundial

Seleccion hulandes di futbol a biaha pa Qatar pa Copa Mundial

Posted on 11/15/2022 8:18 am AST | Updated on 11/15/2022 8:18 am AST

SCHIPHOL – E seleccion nacional di futbol hulandes a sali awe pa Qatar pa e Copa Mundial cu ta cuminsa e siman aki. Nan a charter un avion priva luhoso grandi y mester bula 6 ora pa yega e capital di Doha. Asina cu nan yega, lo tin un session di entrenamiento, pero e prome entrenamiento oficial lo ta diaranson. Tur 26 selecciona a biaha hunto, incluyendo Denzel Dumfries. Den fin di siman e la sufri un lesion durante e ultimo wega cu su ekipo italiano, pero a resulta cu e lesion no ta asina grave. De echo, Dumfries a entrena dialuna caba durante e session na Zeist. Dialuna otro siman Hulanda ta hunga su prome wega contra Senegal.   

  • Comitenan di slavitud di Hulanda, Surnam, Aruba y Corsou kier pa cambia fecha di despensa Hulandes

    Comitenan di slavitud di Hulanda, Surnam, Aruba y Corsou kier pa cambia fecha di despensa Hulandes

    DEN HAAG – Pa medio di un carta, comitenan di sclavitud na Hulanda, Surnam, Aruba y Corsou a pidi gabinete Rutte pa cambia fecha di e despensa pa otro aña juli (2023) envez di otro siman. E fecha menciona di 1 juli ta recorda 150 aña cu a aboli sclavitud oficialmente. Y nan ta pensa cu e fecha ey ta e fecha miho pa e excusa cu Hulanda kier brinda na e paisnan menciona. Segun e comitenan, e fecha original pa e despensa, 19 di December 2022, no tin un nificacion special, contrario na esun di juli. Tin reunionan tumando lugar aworaki pa wak si ta logra cambia e fecha realmente of si ta mantene e fecha di 19 di December mes. 

  • Prinses Amalia ta celebra su 19 aña cera den cas debi na menasa

    Prinses Amalia ta celebra su 19 aña cera den cas debi na menasa

    AMSTERDAM - Prinses Amalia, e yiu mayor di Rey Willem Alexander ta cumpli 19 aña awe. Pero debi na menasa contra dje, e lo no por celebra esaki otro cu den su cas cu famia. Desde e aña aki Amalia ta studia na Universidad di Amsterdam, pero ta sigui su lesnan via computer na cas. E ta studia Politica, Psicologia, Ley y Economia. Tabata intencion pa Amalia biba na scol manera tur studiante regular, pero na October esaki a cambia y a nifica cu e mester a bay cas bek y sigui su estudio desde eynan. 

  • Invitadonan politico, diplomatico y comercial a atende recepcion di introduccion di minister Thijsen na Hulanda

    Invitadonan politico, diplomatico y comercial a atende recepcion di introduccion di minister Thijsen na Hulanda

    DEN HAAG  – Na Marriott hotel a tuma lugar un recepcion di Gobierno di Aruba pa oficialmente introduci mr. Juan (Ady) Thijsen como Minister Plenipotenciario di Aruba na Hulanda. Un recepcion atendi pa invitadonan for di e mundo poltitico, diplomatico y comerciante di Hulanda.  

  • Wever a bolbe reuni cu van Huffelen na Hulanda despues cu siman pasa a topa na Aruba

    Wever a bolbe reuni cu van Huffelen na Hulanda despues cu siman pasa a topa na Aruba

    DEN HAAG – Un siman despues cu secretario di estado hulandes Alexandra van Huffelen a topa premier Evelyn Wever na Aruba, e la topa Wever atrobe awe diaranson, pero e biaha aki na Hulanda. Si e reunion aki realmente tabata necesario, no ta conoci pero ta mustra mas bien un momento pa saca potret, envez di realmente yega na algo concreto. Mucho cos diferente no a papia, y por considera e reunion mas bien como un encuentro social pa tene e relacionan habri pues. Esaki pasobra Hulanda a bisa caba cu ainda no ta bay papia riba yuda Aruba sino mas bien den curso di 2023. Gobierno di Aruba di su banda, ta sigura cu e tema principal (atrobe) tabata finanzas, pero esey a keda trata siman pasa caba na Aruba.  

  • Corte ta prohibi tiramento riba lobo cu pistol di pintura

    Corte ta prohibi tiramento riba lobo cu pistol di pintura

    GELDERLAND – Cuidadanonan di e provincia hulandes Gelderlan por lo pronto no por tira riba lobo (wolf) cu e asina yama ‘paintball gun’ osea pistol cu bala di pintura, pa spanta nan. Asina hues a dicta den un corte hulandes. E provincial a permiti e arma anteriormente, pasobra tabata haya e lobonan mucho manso y cu e susto, lo por a spanta e lobonan y evita cu nan yega cerca di hende.  E problema ta cu no a substancia e motibo pa tira e lobonan, suficientemente. Hues a determina cu un lobo ta un animal protehi. Ademas no por a proba cu e uso di e arma menciona, lo a yuda e meta. 

  • Premier Wever a reuni cu premier Rutte na Hulanda

    Premier Wever a reuni cu premier Rutte na Hulanda

    ORANJESTAD - Premier Evelyn Wever a reuni cu premier hulandes Mark Rutte na Hulanda diamars. Mientras cu e mandatario ta sigura cu e tabata un bon reunion, nada concreto no a sali di e reunion. E tabata mas bien un oportunidad pa personalmente papia cu otro unda cu Aruba ta brief e mandatario hulandes en persona (un biaha mas) riba e situacion di Aruba. 

  • Powered by SETAR