Maduro: Ta prolonga tempo pa uso di tarifa reduci pa cumpra ‘afkooppensioen’

Maduro: Ta prolonga tempo pa uso di tarifa reduci pa cumpra ‘afkooppensioen’

Posted on 11/14/2022 3:54 pm AST | Updated on 11/14/2022 3:55 pm AST

ORANJESTAD - Ta prolonga tempo pa uso di tarifa reduci pa cumpra ‘afkooppensioen’ te fin di e aña aki. Asina minister di finanza Xiomara Maduro a informa dialuna. Manera ta conoci, na december 2019, e mandatario a anuncia un maneho favorabel pa esnan cu kier haci uso di e facilidad fiscal pa cumpra nan pensioen den propio maneho, e 'afkooppensioen,' na un tarifa reduci di 10%. Por a haci uzo di e facilidad fiscal aki te cu fin di juni 2020, pero debi na e situacion di COVID-19, a dicidi e tempo ey pa prolonga e facilidad aki te cu fin di december 2020. Den aña 2021 e tarifa progresivo di impuesto riba entrada tabata aplicabel. Awor den e 'Plan di Impuesto 2023' lo bay over pa elimina e posibilidad pa crea un pensioen den propio maneho. Pa brinda espacio pa por cumpra e pensioen den propio maneho, Minister di Finansa ta anuncia cu den e periodo di 7 di november pa 31 di december por haci esaki na e tarifa reduci di 15% di impuesto. E Decreto Ministerial cu ta contene e condicionnan pa haci uso di e facildad fiscal aki a wordo publica den Landscourant di 7 di november bou number MinFIC/857/22.

  • Powered by SETAR