Dos barco crucero cu tabata na Aruba, ta keda riba laman mas largo debi na horcan Lisa

MIAMI – Turistanan riba dos barco crucero cu a bishita Aruba, ta haya mas tempo pa disfruta di e barco, debi na mal tempo. Tanto e barco Eurodam y Rotterdam tabata na Aruba recientemente durante un cruise di 10 y 11 dia respectivamente, pero debi na horcan Lisa, nan lo keda riba laman mas largo. Eurodam a bishita Aruba dia 1 di November, y Rotterdam dia 3. Ambos tabata parti di un trip pues di 9 dia cu mester a termina ayera. Pero desde diamars ultimo, e compania madre a enforsa e regla di emergencia cu ta nifica cu mientras cu tin mal tempo, nan lo no mara na tera.