Aeropuerto Reina Beatrix ta prome aeropuerto na mundo pa haya Green Globe Certification

ORANJESTAD – E siman aki Aeropuerto di Aruba a ricibi e noticia cu nan a bira e prome aeropuerto na mundo pa ricibi e asina yama Green Globe Certification. Asina e portal EINNEWS ta raporta. E premio ta un di e programanan di certificacion lider pa operacion sostenibel y maneho di biahe y turismo mundial. E aeropuerto a laga sa den un articulo den e portal newswire cu nan ta orguyoso di e logro aki. Pa a logra esaki nan a percura pa implementa sistema di maheho, reduccion di consumo di energia, programa piloto riba desperdicio, y mucho mas. Ademas, e programa Wings Of Hope ta enfoca riba ehecucion di proyectonan den comunidad basa riba e metanan di Nacionan Uni riba desaroyo sostenibel, pa crea un impacto positivo riba e comunidad local. Segun e CEO di Green Globe, Birte Pelay, como un hub turistico, Aruba Airport Authority a pone e marca  pa Caribe den e industria di aviacion. Ademas e la tuma e delantera no solamente den Caribe sino Globalmente, siendo e prome aeropuerto cu ta certifica bou di e Green Globe International Standard for Travel & Tourism, e nivel mas halto di certificacion pa operacion y maneho di un negoshi di turismo y viahe.   ”.