Partido Mep a haci donacion na Fundacion Ban Uni Man Pa Cria Nos Muchanan

ORANJESTAD -  Partido Movimento Electoral di Pueblo (Mep) a haci donacion na Fundacion Ban Uni Man Pa Cria Nos Muchanan. Manera ta conoci, siman pasa diadomingo partido  MEP  tabatin sorteo di e   rifa “Un Aruba Stabiel cu MEP”. Desde inicio partido a compromete cu parti di e fondonan recauda, lo wordo entrega como donacion na un instancia cu tin necesidad di esaki. E siman aki partido a haci entrega di cheque di  Afl 3.000,- na “Fundacion Ban Uni Man pa Cria Nos Muchanan”.

E fundacion a traves di e fondo aki lo por yuda 5 mucha haya desayuno tur mainta na scol, pa un aña largo. Fundacion Ban Uni Man pa Cria Nos Muchanan sigur merece e fondo aki, pa nan inmenso y bunita trabou cu nan ta haci y considerando cu actualmente nan tin problema cu fondo.