Noticiacla ta perde su mentor, colega y miho amigo cu baymento di Ruben Garcia!

ORANJESTAD – Cu fayecimento di Ruben Garcia, NoticiaCla.com ta perde tambe su consehero, mentor, amigo y colega mas stima. Ruben for di lansamento di e portal 8 aña pasa  (2 di juli 2022) tabata parti di Noticiacla.com. Siendo e unico emisora cu a transmiti e lansamento en vivo e dia ey 2 di juli, 2014, Ruben como su director mes a percura pa e transmission e dia ey, y for di e momento ey, tabata un sosten grandisimo pa e portal aki. 

NOTICIACLA Y RUBEN 

Ora cu noticiacla a haci 5 aña na 2019, Ruben tabata e prome cu a graba un saludo di video pa NoticiaCla.com na occasion di su prome lustro. Y asina tin multiple storia y momento cu ta link Ruben cu NoticiaCla.com. Ruben, bo partida a dal nos duro. Bo lo haci falta enorme, pero nos ta conforme cu bo lo sa di guia nos for di ariba. Ruben, Sosega na Paz… Y pa bo famianan cu ta keda atras, forza!!