Caso Avestruz ta continua awe mainta cu 5 sospechoso

ORANJESTAD – Awe mainta e caso penal Avestruz cu a trata sospecho di otorgamento di tereno erfpacht den un forma illegal ta continua. Corte a reserve awe y mayan pa trata e siguiente 5 sospechosonan di cual 2 ta bolbe di siman pasa cu ta F. Abath y ex minister Benny Sevinger. Esnan ‘nobo’ ta N. Nuñez y E. Werleman, y C. Mansur. E caso ta poni pa cuminsa 8’or y mei unda cu hues lo confronta e sospechosonan cu asuntonan regardando nan posibel participacion. Lo tin tambe chens pa fiscal haci pregunta na e sospechosonan.

E CASO

E caso a cuminsa dos luna pasa (7 september) unda cu a cuminsa scucha un serie di sospechoso, y a sigui cu e patronchi aki luna pasa tambe. Segun schedule, lo continua cu mas confrontacion diabierna si ta necesario, y otro siman dia 9 ta continua cu mas sospechoso. E caso total tin duracion di 3 luna y ta programa pa termina mitar di luna di December di e aña aki.