Studiantenan a firma nan studielening dialuna anochi

ORANJESTAD - Tur studiante cu ta bay sigui studia den exterior of te hasta localmente, a firma nan studielening dialuna anochi. Acompanja pa nan mayornan den un ballroom repleto di Raddison Hotel, a experencia un di e prome partinan di preparacion prome cu nan bandona Aruba otro luna. Mester bisa cu aunke cu varios ta bay den cierto grupo, tur studiante mester a presenta pa firma pa nan placa. E grupo mas grandi, cu ta bay Hulanda, ta biaha dia 5 di augustus proximo. Riba e combinacion di foto por haya un impresion di e momento di alegria, tension, nervio y anticipacion cu e studiantenan a expresa hunto cu nan mayornan.