Futuro di plataforma social Twitter ta ‘insigur’ cu e doño nobo Elon Musk

NEW YORK – Cu e anuncio ayera cu e homber mas rico di mundo Elon Musk a cumpra e Plataforma social Twitter pa 44 biyon dollar, e pregunta con ta sigui cu e Plataforma social, no ta conoci. A compronde cu e intencion ta pa permiti mas hende riba dje, libertad di expression manera cu antes tabata e caso, y cu e mester bira e Plataforma completo, esta cu no ta necesario pa tin otro Plataforma social. Kico esaki ta nifica exactamente, no ta conoci. 

E compra anuncia diahuebs ta culminacion di lunanan di controversia y pelea entre Musk y Twitter cu casi a bay para dilanti mesa berde. Na final, Musk a opta pa bay di acuerdo y cumpra e Plataforma. Sinembargo loke e la haci tambe, ta retira esnan na cabes mesora, aunke cu e tin cu bay paga nan miyones pa esaki.