Polis na Corsou a aumenta control di trafic debi na demasiado accidente

WILLEMSTAD - E kantidat di aksidentenan di outo ku ta tuma lugá riba un base diario riba nos isla ta alarmante. Ultimamente tin hopi aksidente di tráfiko ku ta tuma lugá kaminda un òf mas persona ta resultá heridá. Mayoria di e aksidentenan aki ta pa komportashon inapropiá den tráfiko manera entre otro pasamentu den lus kòrá, kore di forma iresponsabel. Esei ta un di e motibunan ku polisnan ta teniendo muchu mas kontròl di tráfiko kaminda ta pone énfasis riba entre otro pasamentu den lus kòrá pero tambe dokumentonan di vehíkulo. Ayera personal di warda di polis di Punda i Departamentu di Tráfiko a tene un kontròl di tráfiko dirigí riba pasamentu den lus kòrá. E kontròl a tuma lugá na e krusada Kaya C. Winkel i Schottegatweg Zuid.E kontròl a kuminsá alrededor di nueb’or di mainta i a terminá mitar di dos di mèrdia. Un total di 159 vehíkulo a keda kontrolá i a partí 31 prosèsverbal pa pasamentu den lus kòrá. Tambe a partí prosèsverbal pa otro infrakshonnan. Manehá un vehíkulo sin: Usa faha di seguridat, reibeweis bálido, seguro bálido, karchi di kùr bálido, sin plachi number patras i dilanti. Tambe pa manehá un vehíkulo ku winshil di plak skur. E kontròlnan aki ta kontinuá. NOTA: E texto ta scirbi den Papiamento fonetico di Corsou.