Barco Crucero Carnival Spirit ta bishita Aruba pa prome biaha awe

ORANJESTAD – Un di e dos barconan crucero cu a yega Aruba awe, a haya un entrada special debi cu ta su prome yegada pa nos isla. Ta trata di e barco Carnival Spirit, cu capacidad di 2124 pasahero di e linea Carnival Cruises. E ta reemplasa e barco Carnival Freedom pa resto di e aña aki. Spirit por transporta casi 900 pasahero menos y ta un barc mas bieu (2000) cu Freedom (2006), pero esey no ta kita afo cu e ta un barco cu tin Aruba riba su ruta. Debi na e occasion special di awe, e barco Spirit a ricibi e saludo di canon di awa acostumbra pa un barco cu yega nos isla pa di prome biaha. Manera cu NoticiaCla a raporta awe tambe den un otro raportahe, otro siman diamars tin un otro barco crucero, pero di Celebrity Cruises cu ta yega Aruba pa di prome biaha.